भांगरभूंय | प्रतिनिधी
कॅल्शियम आमचीं हाडां आनी दांतां कितलें फायद्याचें हें आमकां सगळ्यांक खबर. सगळ्या पिरायेच्या लोकांक, खासा करून तरणाटीं आनी वाडटे पिराये वयल्या भुरग्यां खातीर कॅल्शियम हें म्हत्वाचें पोशक तत्व.
कॅल्शियमाचो सगळ्यांत बरो स्रोत नुस्तें मानतात. मात कांय खाणां- जेवणांत नुस्त्यापरस शिवराक जेवणांत कॅल्शीयम चड आसता. तर आयज आमी व्हडा प्रमाणांत कॅल्शीयमाचो आसपाव आशिल्ल्या कांय शिवराक खाणां विशीं आमी जाणून घेवया.
ब्रोकोली
ब्रोकोली हो कॅल्शियमचो बरो स्रोत. ब्रोकोली नुस्त्यांत मेळपी जायत्या गरजेच्या पोशक तत्वांचो उणाव भरून काडटा. तशेंच तातूंत आशिल्लीं व्हिटामीन भलायके खातीर फायद्याचीं आसतात. एक कप शिजयिल्ल्या ब्रोकोलींत सुमार ४५ मिग्रॅ कॅल्शियम, ३५ कॅलरीज, ०.४ ग्रॅम चरबी, ७.२ ग्रॅम कार्बोहायड्रेट, २.४ ग्रॅम व्हिटामीन आसता.
पावटो
पावटो हें सगळ्यांत फायद्याचें. हातूंत विटामीन, फायबर आनी म्हत्वाचो खनीज व्हडा प्रमाणांत आसता. पावटो हाडां खातीर जायत्या कॅल्शियम युक्त जिन्नसा मदालो एक. तो खाल्यार ऑस्टिओपोरोसिसचो धोका उणो जाता. १०० ग्रॅम धव्या बीन्सांनी कॅल्शियम ९०.२ ग्रॅम, कॅलरीज १३९, फॅट ०.४ ग्रॅम, कार्बोहायड्रेट २५.२ ग्रॅम, प्रोटीन ९.५ ग्रॅम आसता.
टोफू
सोया पसून तयार केल्लो टोफूय कॅल्शियमाचो बरो स्रोत. नुस्त्या परस चड कॅल्शियम आशिल्ल्या खाणां मदलो एक टोफू. तातूंत घट हाडां खातीर कॅल्शियम आनी मॅग्नेशियम हे दोनूय प्रकार आसतात. हें उणें कॅलरी आनी चड व्हिटामीन आशिल्लें जेवण. १०० ग्राम टोफूंत कॅल्शियम २८२.७ मिग्रॅ, कॅलरी ८३, चरबी ५.३ ग्राम, कार्बोहायड्रेट १.२ ग्राम, व्हिटामीन १० ग्राम आसता.
चिया सिड्स
तशेंच चिया सिड्सान कॅल्शियम चड प्रमाणांत आसता आनी ताचे भलायकेचे जायते फायदे जातात. तेभायर ओमेगा- ३ फॅटी ऍसीड आनी प्रथिनां हांचो बरो स्रोत आसा. १०० ग्राम चिया सिड्स कॅल्शियम ६३ मिग्रॅ, कॅलरी ८३, चरबी ३०.७ ग्राम, कार्बोहायड्रेट ४२.१ ग्राम, व्हिटामीन १६.५ ग्राम आसता.
भेंडे
भेंड्यांनी कॅल्शियम आनी मॅग्नेशियम मेळटा, जें घट हाडां खातीर गरजेचें आसता आनी हाडां संबंदीत समस्यांचोय धोको उणो करता. ही भाजी खाल्यार तुमच्या काळजाचे भलायके खातीरूय फायद्याचे थारता. १०० ग्रॅम भेंडे ८० ग्रॅम कॅल्शियम, ६२ मिग्रॅ कॅलरी, १८ ग्रॅम चरबी, ०.२ ग्रॅम कार्बोहायड्रेट, ६.२ ग्रॅम व्हिटामीन, १.५ ग्रॅम प्रोटीन आसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
