भांगरभूंय | प्रतिनिधी
फोंडें, प्रतिनिधी ः पार – उसगांवां आयज रस्त्या कुशीक एक रानदुकर मेल्ले वेवस्थेंत पडिल्ल्याचें थळाव्या लोकांनी पळयलें. उपरांत चवकशी केली तेन्ना ताका स्कुटरीचो धपको लागिल्ल्यान मरण आयिल्ल्याचें कळ्ळें. ह्या अपघातांत दुचाकी चालकूय जखमी जाला. ताका फोंडेंच्या उपजिल्हो हॉस्पिटलांत दाखल केला.
सोमनाथ उर्फ सूरज ठाणेकार (30, खोतोडें -सत्तरी) हो स्कुटरी वयल्यान पार- उसगांवां वतालो. त्याच वेळार अचकीत रानदुकर रस्त्या मदीं आयल्ल्यान स्कुटरीचो ताका धपको लागलो. हातूंत रस्त्यार कुशीक आपटून रानदुकराक मरण आयलें. जाल्यार स्कुटर चालक सोमनाथूय रस्त्यार पडून जखमी जालो. ताका उपचारा खातीर फोंडें उपजिल्हो हॉस्पिटलांत दाखल केला आनी फोंडें पुलीस हे घडणुकेचो फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
