भांगरभूंय | प्रतिनिधी
कोरगांव, बातमीदार: कोनाडी- कोरगांवच्या अपघातांत आयओसीएल गॅस पायपलायनीचे ११ कामगार जखमी जाल्यात. हरमलच्यान पेडणेचे दिकेन वचपी बलेनो टेम्पो चालकाचो वाहना वयलो ताबो गेल्ल्यान हो अपघात जालो.
मेळिल्ले म्हायती प्रमाण, काल रातच्या ११:१५ वरांचेर हरमलच्यान पेडणेंचे दिकेन वचपी चार चाकी टेम्पो (TN 11 Y 36677) वाहना वयलो ताबो सुटिल्ल्यान सकयल पडली. कोनाडी एके वटेन राखणे वणट बांदपाचें काम चालू आसा. आनी कांय भाग बांदूंक ना थंय सकयल मुळाव्यो शाळो, लोकवसणूक आसा. ताका लागून हांगा पुराय रस्त्या कुशीक राखणे वणट बांदप गरजेचें. गॅस पायपलायनीच्या ह्या वाहनांत ११ कामगार आशिल्ले. हे कामगार गंभीर जखमी जाल्ल्यान रातचे तांकां हॉस्पिटलांत व्हेले. ६ जणांक तुयेंच्या भलायकी केंद्रांत जाल्यार ५ जाणांक म्हापशें आजिलो हॉस्पिटलांत. ते बांदा- महाराष्ट्रांतले. हरमला गॅस पायपलायनीच्या कामा खातीर ते वताले, अशी म्हायती मेळ्ळ्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
