भांगरभूंय | प्रतिनिधी
पणजी, प्रतिनिधी: हडफडें- नागवें पंचायतीचो वार्ड- ४ आनी शिरसय पंचायतीचो वार्ड- ५ खातीर २८ जानेवारी दिसा पोटवेंचणूक जावपाची आसा. ताका लागून त्या वार्डांतलीं सगळीं सोरो विक्री आस्थापनां, दुकांना, बार्रां २७, २८ आनी २९ जानेवारी दिसा बंद दवरपाचो आदेश दिला.
बार्र आनी रेस्टोरंट परवानो आशिल्ल्या आस्थापनांक फकत खावपाचे जिन्नस विकपाक मेळटले आनी तशी सुचोवणी दिवपी बोर्ड लावचे पडटले. बार्र कावंटर बंद दवरचो पडटलो आनी वयर दिल्ल्या तारखांचेर सोरो विकपाक मेळचो ना.
वार्डांतल्या मतदार कामगारांक सुटी
हडफडें- नागवा पंचायतीचो वार्ड- ४ आनी सिरसय पंचायतीचो वार्ड-५ हांगा पोटवेंचणूक जावपाची आशिल्ल्यान वार्डांतले मतदार आशिल्ले उद्देगीक कामगार, सरकारी खातीं आनी उद्देगांनी दिसवड्याचेर काम करपी, खाजगी वेपारी आस्थापनांनी काम करपी आनी हेर खाजगी आस्थापनांनी काम करपी सगळ्यां कामगारां खातीर २८ जानेवारी दिसा भरपगारी सुटी जाहीर केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
