भांगरभूंय | प्रतिनिधी
पणजी : एके १५ वर्सां पिरायेचे चलयेचें अपहरण केल्ले खातीर पणजी पुलिसांनी घनश्याम बोरुआ (२३, आसाम) ह्या तरणाट्याक अटक केली. हे संबंदी पिडेस्त चलयेच्या सोयर्यांनी कागाळ दाखल केल्ली.
दुबावी घनश्याम हांणी कागाळदाराच्या १५ पिरायेचे चलयेचें १६ जानेवारीक सांजेवेळार ५ वरांचेर अपहरण केल्ल्याची कागाळ नमूद केल्या. ते प्रमाण, पणजी पुलीस निरीक्षक निखील पालेकार हांच्या मार्गदर्शनाखाला उपनिरीक्षक सपना गांवस हांणी दुबावीत घनश्याम बोरुआ आड गुन्यांव दाखल केला.
मजगतीं, चली १७ जानेवारीक सकाळीं घरा आयली. उपरांत पुलिसांनी दुबावीत बोरूआ हाका अटक केली. ताका पणजेच्या जलद न्यायालयान चार दिसांची पुलीस कोठडी दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
