भांगरभूंय | प्रतिनिधी
म्हापशें, प्रतिनिधी ः मॉडेलिंग कंत्राट दिता अशें सांगून साळगांवचे एके बायले कडल्यान 13.98 लाख रुपया उठोवप्या आड पुलिशेंत कागाळ नोंद जाल्या. अनवळखी फेसबूक वापरप्याचेर सायबर गुन्यांव खात्यांत हो गुन्यांव नोंद जाला.
कागाळदारान दाखल केल्ले कागाळी प्रमाण, अनवळखी मनशान फेसबूक मेसेंजरांतल्यान कागाळदारा कडेन संपर्क केलो. मॉडेलिंगाची आवड आसल्यार टेलिग्राम लिंका वरवीं “किट्स मॉडेल अकादमी” चो ग्रुप जॉयन्ट जावपाक सांगलें. मागीर मॉडेलिंग संबंदीत काम जाय जाल्यार बिटकॉयन आनी सट्ट्यांत गुंतवणूक करपाक सांगलें.
मजगतीं, मॉडेलिंग कंत्राट आनी हेर गजालीं खातीर ताच्या आयसीआयसीआय आनी एचडीएफसी बँक खात्यांत 13 लाख 98 हजार इतली रक्कम जमा करपाक सांगली. सगल्या तपशीलांचो नियाळ घेतले उपरांत पुलिसांनी अनवळखी मनशां आड अर्थीक फटवणूक केल्ल्याचो आरोप करून वेगवेगळ्या कलमा खाला गुन्यां नोंद केलो. फुडलो तपास सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
