भांगरभूंय | प्रतिनिधी
सावंतवाडी, खबरां संस्था : कवठणी – बाळोजीवाडी हांगाच्या सुरज सुरेश म्हालदार (३०) ह्या तरणाट्याक सोमारा १५ जानेवारीक सांजेवेळार क्रिकेट खेळटना मरण आयलें. सुरजाक छातयेंत दुखपाक लागलें. थंय हाजीर आशिल्ल्या ताच्या इश्टांनी रोखडोच ताका धारगळच्या रेडकार हॉस्पिटलांत उपचारा खातीर दाखल केलो. ताचे पयलींच ताका मरण आयिल्लें.
सुरजच्या अचकीत मरणाक लागून कवठणी पंचक्रोशींत दुख्ख पातळ्ळां. तो कोलवाळेच्या बिनानी कंपनींत इंजिनिअर म्हणून काम करतालो. ताचे कुडीचेर मंगळारा सांजेवेळार निमाणे संस्कार जाले. ताचे फाटल्यान आवय, बापूय, भाव असो परिवार आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
