भांगरभूंय | प्रतिनिधी
पणजी : गोंयांत वर्साक थानाच्या कांक्राचे 250 ते 300 च्या आसपास दुयेंती मेळटात. थानाच्या कांक्राचेर (कॅन्सर) उपचार करपाक आतां पर्टूझुमब हें वखद गोंय वैजकी म्हाविद्यालय हॉस्पिटलांत फुकट दितले. भलायकी मंत्री विश्वजीत राणे हांणी पत्रकार परिशदेंत ही म्हायती दिली.
थानाच्या कांक्रा खातीर राज्यांत बायलांची फुकट तपासणी सुरु आसा. जानेवारी मेरेन 1 लाख बायलांची तपासणी पुराय जातली. थानाच्या काक्रा खातीर सुरवातीक पर्टुझूमब वखद दिलें जाल्यार थान काक्र दुयेंस बरें जावप शक्य आसा.
अंदूं होमोफोलिया दुयेंसाच्या 48 भुरग्यांचेर फुकट उपचार जातले. रोश कंपनी कडेन सीएसआर खाला कबलात जाल्या, अशे श्री. राणे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
