भांगरभूंय | प्रतिनिधी
पणजी : पुताचो खून केल्ल्याच्या आरोपा खाला सुचना सेठ हिका सोमाराक बाल न्यायालयांत हाजीर केल्ली. आयज न्यायालयांत तिका पांच दिसांची पुलीस कोठडी दिल्या. फाटले कांय दीस हें प्रकरण राष्ट्रीय पांवड्याचेर गाजता.
सुचना सेठाक म्हापशें न्यायालयान दिल्ली स दिसांची कोठडी आयतारा सोंपली. पूण हें प्रकरण भुरग्याच्या प्रकरणा कडेन संबंदीत आशिल्ल्यान कळंगूटे पुलिसांनी तिका सोमारा पणजेच्या बाल न्यायालयांत हाजीर केलें. ह्या वेळार न्यायालयान तिका पांच दिसांची कोठडी फर्मायली.
सुचना पुलीस चवकशेक सहकार्य करिना. तिचो घोव व्यंकटरामण हांची डीएनए चाचणी करपाची आसा. तशेंच हेर पुरावेय एकठांय करपाचे आसात. ताका लागून सुचनाक पुलीस कोठडी दिवपाची मागणी पुलिसांनी न्यायालया कडेन केल्ली. ते प्रमाण न्यायालयान तिकां पांच दिसांची कोठडी दिल्या.
मजगतीं, सुचनाचो घोव व्यंकटरामण हांची आजच गोमेकाॅत डीएनए तपासणी जातली.
हेंय वाचात…
आवय काय दुस्मान?… मातृत्व विसरून केलो पुताचोच खून
कळंगूटे पुलिसांनी सुचना आनी व्यंकटरमणाची भेट घडोवन हाडली आनी..
हांवें खून करूंक ना, न्हिदेंत भुरग्याक सैमिक मरण, सूचनान खूनाचो आरोप न्हयकारलो
सूचना निर्णयाचेर ठाम, पूताचो खून करूंक ना
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
