भांगरभूंय | प्रतिनिधी
म्हापशें, प्रतिनिधी ः नामोशी-गिरीच्या सरकारी विद्यालयांत दोगां शिक्षिकां मदीं मारामारी जाली. हे विशीं जखमी शिक्षिकेच्या कागाळीच्या आदारान म्हापशें पुलिसांनी मुख्याध्यापिके आड गुन्यांव नोंद केला.
ही घडणूक बुधवार १० जानेवारीक दनपरां सुमार १.२० वरांचेर शाळेच्या वाठारांत घडली. हे संबंदी प्रार्थना दीपक नायक (४४, रा. साळगांव, मूळ पेडणें) हांणी मुख्याध्यापिका दुबावीत रोशनी सांखळकार हांचे आड गाळी मारून बडयल्ल्याची कागाळ नोंद केली. ते प्रमाण पुलिसांनी गुन्यांव दाखल केला.
दुबावीत शिक्षिकेन व्यक्तीगत कारणाक लागून वायट उतरां दिवन म्हाका बडयली. हात पिळ्ळो. ताका लागून तो फ्रॅक्चर जाला. सद्या उपचार चालू आसात, अशें कागाळेंत म्हणलां. फुडलो तपास म्हापशें पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
