भांगरभूंय | प्रतिनिधी
फोंडे, प्रतिनिधी : फोंडें पुलीस स्टेशनांत आयज सदचे परस एक वेगळीच कागाळ नोंद जाली. एके सुनेन घरांत पाळिल्ल्या पर्शियन जातीच्या माजराची तकली फोडली अशी कागाळ सासूमायचे आड दाखल केल्या. ह्या प्रकरणांत ‘जनावरां क्रूरता प्रतिबंध कायदो १९६०’ खाला सासूमांय रोझी रेगो (रा. सिल्वा नगर) हिचे आड पुलिसांनी गुन्यांव नोंद केला.
अल्फिया रेगो हिणें कागाळींत म्हणलां, आपली सासूमाय रोझी हिणें आपल्या काळ्या रंगाच्या पर्शियन माजराक मारलें. ताची तकली फोडली. तशेंच तोंडारूय मारलें. ताका लागून मांजराक गंभीर दुखापत जाल्या. कारण नासतना तिणें म्हज्या माजराक मारलां. तिचेर कारवाय करची.
हे कागाळीची दखल घेवन फोंडेंचे पुलीस उपनिरीक्षक प्रतीक भट हांणी रोझी रेगो हिचे आड गुन्यांव नोंद केला. पुलीस फुडलो तपास केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
