रक्तदाब

भांगरभूंय | प्रतिनिधी

दिसांतल्यान दोन लीटर तरी उदक (बोमाडे काडून थंड केल्लें) प्रत्येकान पियेवपाक जाय. लारांजाचो रोस, गाजर, बीट शिजोवन तें उदक पिवप बरें. नाजाल्यार तांचो रोस काडून पियेवचो.

प्रिव्हेन्शन इन बेटर देन क्यूअर, अशें तुमी जायते फावट दोतोर बी म्हणटना आयकलां आसतलें. खरें तें. कसलेंय दुयेंस, पीडा जावचे पयलीं सगल्यांनी आपली जतनाय घेवप भलायके खातीर सामकें योग्य. 

आतां पळयात, थंडी, खोंकली, जोर हें बाराय म्हयने जावपाचें दुयेंस. हाका व्हायरल इंफेक्शन अशें म्हणटात. चड करून फ्रिजांतले थंडगार जिनस, थंड पेय, आयसक्रीम वा हेर कितेंय खाल्यार थंडी जाता. ताका लागून थंडगार खावप, पियेवप बंद केल्यार बरें. पावस आनी थंडेच्या दिसांनी मात्शें थंड पियेल्यार बादा जाता, तांणी थंड जिनसां पसून चार हात पयसूच रावचें.  

दुसरें म्हणजे जायत्या लोकांक उण्या रक्तदाबाची समस्या आसता. ताका जाय ती कारणां आसात. आपल्या फॅमिली दोतोराचो योग्य सल्लो घेवप सदांच बरें. तांच्या सल्ल्या प्रमाण आहार घेवपाक जाय. डिहायड्रेशन हें मूळ कारण जावन आसा. हे खातीर ते व्यक्तीन खूब प्रमाणांत उदक पियेवपाक जाय. दिसांतल्यान दोन लीटर तरी उदक (बोमाडे काडून थंड केल्लें) प्रत्येकान पियेवपाक जाय. लारांजाचो रोस, गाजर, बीट शिजोवन तें उदक पिवप बरें. नाजाल्यार तांचो रोस काडून पियेवचो. लिंबू सरबत घेवचें, पूण मीठ आनी साकर चड नाका. आडसराचें उदक पियेत जाल्यार पसून रक्तदाबाची समस्या ना जाता. 

अयोग्य आहार, मेळटा तेन्ना खावप, ताणतणाव, हुस्को, जागरणां, परत परत वखदां घेवप हींय लो ब्लडप्रेशराचीं कारणां. कांय लोकांक मीठ खावपाची आवड आसता. पूण तें शक्य तो कमी खावचें. साकरुय चड नाका. पोपाय, संत्रीं, केळीं, आपोल हीं फळां सद्दां खावपाक जाय. म्हणल्यार खंयचेंय एक फळ वा ताची फोड. रक्तदाबाची समस्या ताका लागून उणी जाता. 

सदच्या जेवणांत एक तरी फळभाजी आसची. नाजाल्यार सालाद तरी. बीट, गाजर, पालक, मेथी, शेपू हातूंत बऱ्या प्रमाणांत सोडियम आसता. उण्या रक्तदाबाच्या दुयेंतींक तें फायदेशीर. डार्क चाॅकलेट, काॅफी, कॅडबरीय सोडियमाक लागून बरी. पूण गोडेंमुताचें दुयेंस आशिल्ल्यांनी ती खावची न्हय. भरपूर उदक आनी उणें मीट हाका लागून रक्तदाब नियंत्रणांत येवं शकता. अर्थांत दोतोराचो अदींमदीं सल्लो घेवप बरें. 

सिद्धी तिळवे