भांगरभूंय | प्रतिनिधी
मडगांव ः सणांच्या दिसांनी दाळीचे दर वाडत आसा. तुरदाळ 195 रुपया किलो, मूगदाळ 135 रुपया किलो, मसूर दाळ 110 रुपया आनी उडीद दाळ 150 रुपया दर किलो विकतात.
आदीं 102 ते 104 रुपया किलो मेरेन आशिल्ल्या मूगदाळीचो विक्री दर आतां 115 ते 120 रुपया किलो मेरेन वाडला, जाल्यार त्याच मूग दाळीचो किरकोळ दर 130 ते 135 रुपया किलो मेरेन वाडला. उडीद दाळीच्या दरांतय वाड जाल्या. कांय दिसां आदीं 120 रुपया किलो विक्री किंमत आतां वाडून 130 रुपया जाल्या. म्हणल्यार आतां उडीद दाळीचो किरकोळ दर 140 ते 145 रुपया किलो मेरेन वाडला. मसूर दाळीचो किरकोळ दर 105 रुपया वयल्यान 110 रुपया जाल्यार चणे दाळीचोय दर 90 रुपया वयल्यान 95 रुपया जाला. तुरदाळीचो घावूक दर 165 ते 170 आनी किरकोळ दर 195 ते 200 रुपया किलो मेरेन वाडला. सध्या तुरदाळीचो घावूक दर 165 रुपया किलो मेरेन पावला आनी हो दर आनीक वाडटलो अशें वेपारी सांगतात.
दर वाडपा फाटलीं कारणां
उमाशेक दाळ पिकयतात त्या वाठारांनी पयलींच पावस पडलो. ते उपरांत पावसाच्या दिसांनीय पावसाचें प्रमाण उणें आशिल्लें. बदलत्या हवामानाक लागून उत्पादनाचेर व्हड परिणाम जालो. दर वाडपा फाटलें हें एक कारण आनी येरादारीचे दर आनी सणांच्या दिसांक लागून दाळीची मागणी वाडिल्ल्यान आनी पुरवण उणी आशिल्ल्यान दाळीचे दर वाडल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
