भांगरभूंय | प्रतिनिधी
पणजी, प्रतिनिधी ः ‘स्वयंपूर्ण मित्र’ येवजणेक तीन वर्सां पुराय जाल्या त्या निमतान आयज मुख्यमंत्र्यान वेगवेगळ्या स्वयंपूर्ण इश्टां कडेन संवाद सादलो, त्या वेळार ‘स्वयंपूर्ण ई- बाजार’ सुरू करपाच्या निमाण्या पांवड्यार आसा आनी हो ‘ई- बाजार’ दसऱ्या सावन सुरू जातलो अशी घोशणा मुख्यमंत्री डॉ. प्रमोद सावंत हांणी केली. ह्या वेळार विजय सक्सेना, भूषण सावयकार आनी हेर अधिकारी हाजीर आशिल्ले. मुख्यमंत्र्यान ‘स्वयंपूर्ण मित्र’ हें पोर्टल उजवाडाक हाडले.
चवथ ई बाजाराक जायत्या बायलांक, सेल्फ हेल्प गटांक फायदो जाला. तांकां आपलीं उत्पादनां घरांतल्यान विकपाक मेळ्ळीं. हाका मेळिल्लो प्रतिसाद पळोवन आमी आतां स्वयंपूर्ण बाजार सुरू करपाचे आसात. हातूंत जेवणा वांगडाच हेर वस्तू विकप शक्य जातलें. ह्या बाजारपेठेक लागून राज्यांतल्या गांवगिऱ्या वाठारांतलें एक खाशेलें उत्पादन फकत पुराय राज्यांत न्हय, तर देशभर विकतले अशेंय मुख्यमंत्र्यांनी सांगलें.
ह्या प्रकल्पा खातीर सुमार 230 गांवगिऱ्या इश्टांची मजत घेतले. गांवगिऱ्या इश्टांचोय आदार घेवन तांच्या गांवांतलीं खाशेलीं उत्पादनां वा हस्तकला सोदून काडटले आनी तीं बाजारांत उपलब्ध करतले अशें मुख्यमंत्र्यान सांगलें.
1 नोव्हेंबर सावन अन्नपूर्णा येवजण
‘मुख्यमंत्री अन्नपूर्णा येवजण’ 1 नोव्हेंबर सावन सुरू जातली. हाचे प्रमाण बायलां स्वयंसहाय्यता गटांक सरकारी खात्यांत कॅन्टीन चलोवंक मेळटले. हे खातीर कॅन्टीनाचें भाडेंय 1 हजार रुपया मेरेन उणें दवरतले अशें मुख्यमंत्री
सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
