भांगरभूंय | प्रतिनिधी
आगरवाडो- चोपडें ग्रामसभा उमेदीन
पेडणें, प्रतिनिधी: आगरवाडो, चोपडें पंचायतीचे सोमारा जाल्ले ग्रामसभेंत शेतकी खात्याच्या आवाहना प्रमाण आनी पंचायत संचनालयाच्या आदेशा प्रमाण पंचायत वाठारांत उडीद, कुळीथ, नाचणे, वरी अश्या भरड धान्याची लागवड करपाचो सोपूत घेतलो. पूण, ह्या वेळार हाजीर आशिल्ल्यांनी पंचायत वाठारांत सुमार नगर नियोजन खात्या वतीन पेडणें म्हालांतल्या जमिनीच्या आराखड्यांत व्हडा प्रमाणांत बदल घडटलो. आगरवाडो, चोपडें पंचायत वाठारांतल्या दोंगरां वेल्या भरड जमनींचेर शेती करपाक मेळची ना म्हणून नागरिकांनी हुस्को उक्तावन ह्या आराखड्याक खर विरोध आशिल्ल्याचो थाराव मंजूर केला. तशेंच येवपी दोन दिसांनी हो आराखडो स्थगीत दवरलो ना जाल्यार पेडणें नागरीक समितीच्या आंदोलनाक जाहीर फाटबळ उक्तावन आंदोलनांत व्हडा प्रमाणांत वांटेकार जावपाचो निर्णय घेतलो.
ह्या वेळार पेडणें म्हालाचो नियोजीत आराखडो स्थगीत दवरप, ताका मुजत वाड दिवन पंचायतींत आराखडो उपलब्ध करप, तज्ञ् व्यक्तीं कडल्यान आराखड्या विशीं नागरिकांक मार्गदर्शन करप अशे खुबशे थाराव मंजूर केले.
सरकार झोनिंग प्लॅन रद्द करी मेरेन आंदोलन सुरु दवरपाचो निर्धार ह्या वेळार नागरिकांनी केला. पेडणें नागरीक समितीन आपयिल्ल्या चोपडें बंद आड नगर नियोजन खात्याक प्रादेशीक आराखड्यांत बदल करपाचोच आसल्यार तांणी ताची सुरवात नगरनियोजन मंत्री विश्वजित राणे हांच्या मतदारसंघांतल्यान करची. प्रादेशीक आराखड्यांत बदल करतना सत्तरी पसून सुरवात करची अशी नागरिकांनी सुचवणी केली.
ह्या वेळार पेडणें म्हालांत जावपी प्रादेशीक आराखडो बदलाचेर चर्चा जाली. मांद्रेंचे आमदार जीत आरोलकार हांचे भुमिकेक येवकार दिलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
