भांगरभूंय | प्रतिनिधी
मडगांव: चिंचोणें बाजारांत पुर्तुगेझ काळांतले इमारतीचो कांय भाग पावसाक लागून कोसळ्ळो. ह्या इमारतीच्या तळमाळ्यार दोन दुकानां आशिल्लीं. पूण तीं रितीं आशिल्ल्यान हे दुर्घटणेंत कसलीच जिवीत हानी जाली ना. कुंकळ्ळी उजो पालोवपी दळा कडल्यान इमारतीचो कोसळिल्लो भाग कुशीक काडलो.
गोंयांत व्हड प्रमाणांत पावस पडत आसून पडझडीचें प्रमाण वाडलां. पावसाक लागून पोरण्यो आनी जीर्ण इमारतींचो भाग कोसळपाच्यो घडणुको घडत आसात. आयतारा दनपारां चिंचोणें बाजारांतली पुर्तुगेझ काळांतल्या पोरणें इमारतीच्या पाख्याचो भाग कोसळून पडलो. हाजीर आशिल्ल्या नागरिकांनी उजो पालोवपी दळाक फोन केलो. ही इमारत घातक स्थितींत आशिल्ल्यान आनीक पडझड जावन आनीक कसलेंच लुकसाण जावचें न्हय हे खातीर दळान पडिल्लो भाग कुशीक काडलो.
कोसळिल्ल्या पाख्याचे सकयले वटेन दोन दुकानां आशिल्लीं. पूण इमारतीची स्थिती पळोवन ती दोनूय दुकानां रितीं केल्लीं. ते खातीर कसलेच तरेची जिवीतहानी जाली ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
