भांगरभूंय | प्रतिनिधी
मडगांवः नावेलीचे आमदार आनी कदंब म्हामंडळाचे अध्यक्ष उल्हास तुयेंकार हांणी नावेली मतदारसंघांतल्या 40 कुटुंबांक मुख्यमंत्री निधींतल्यान तीन लाख रुपयांची मजत मेळोवन दिली. तुयेंकार हांचे हस्तुकीं हालींच ह्या मजत निधी धनादेशाचें वांटप केलें.
अर्थीक अडचणींक सामकार वचपी नावेली मतदारसंघांतल्या गरीब आनी गरजू कुटुंबांक मुख्यमंत्री निधींतल्यान दिल्ले हे मजतीक लागून कांय प्रमाणांत थाकाय मेळ्ळ्या.
मुख्यमंत्री डॉ. प्रमोद सावंत हांच्या फुडारपणा खाला भाजप सरकार समाजांतल्या वंचीत घटकां विशीं संवेधनशील आसून ह्या घटकांचे जीण उंचावपा खातीर सरकाराचे यत्न सुरू आसात. विकास आनी येवजण्यांचो लाव समाजाच्या निमाण्या मनशा मेरेन पावोवपाचें सरकाराचें धोरण आसा अशें तुयेंकार हांणी म्हणलें.
दवर्लीचे जिल्हो पंचायत वांगडी परेश नायक, रुमडामळचे पंच विजय सुरमे, दिकरपाल दवर्लीचे पंच विद्याधर आर्लेंकार, संपदा नायक, संतोष नायक, आकें बायशचे पंच रामदास उसगांवकार, रुमडामळ दवर्लीच्याे आदल्यो पंच मधुकला शिरोडकार, भाजपच्या नावेली मंडळाचे सरचिटणीस प्रमोद प्रभू, दिनेश महाले, कपील सरदेसाय ह्या वेळार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
