भांगरभूंय | प्रतिनिधी
पेडणें, प्रतिनिधी ः कोनाडांत काळोबा देवळा लागसार साकवार मुखेल रस्त्यार व्हडलें फोंडकूल पडिल्ल्यान येरादारी करपाक धोको निर्माण जाला.
आठ म्हयन्यां आदीं साकवाचो दुसरो अर्दो भाग बांदून ताची दुरुस्ती केल्ली. पूण, एक बाजू अजून दुरुस्त जावंक ना. पेडणें ते हरमल ह्या मार्गाचेर रात दीस व्हड प्रमाणांत येरादारी चलता. मोपा आंतरराश्ट्रीय विमानतळा जाल्या उपरांत ह्या मार्गाचेर येरादारीत अजून वाड जाल्या.
ह्या जाग्यार धोक्याची शिटकावणी म्हणून थळाव्या लोकांनी फोंडकुला लागीं फातर दवरला. पेडणें भौशीक बांदकाम खात्यान बेगोबेग हाचेर लक्ष दिवन उपाय करचे अशी चालकांची मागणी आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
