भांगरभूंय | प्रतिनिधी
वास्को, प्रतिनिधी ः चिखले (आल्त दाबोळे) हांगाच्या हॅमिल्टन फुर्तादो (73) हांच्या घरांत चोरी जाल्या. ह्या प्रकरणांत तांच्या घरांत काम करपी वावराडेक वास्को पुलिसांनी अटक केली. ती काम करतना केन्ना- केन्ना भांगर आनी रक्कम लुट्टाली, असो दुबाव आसा. 25 सप्टेंबराक घरांतल्यान 6.90 लाख मोलाचें भांगर आनी 2 लाख रक्कम मेळून 8.90 लाख मोलांचो माल गायब जाल्ल्याचे फुर्तादो हांच्या लक्षांत आयलें, आनी ही घडणूक उजवाडाक आयली.
फुर्तादो हांणी घरगुती कामां करपाक एक वावराडी दवरिल्ली. पूण ती घरांतल्यान मोलादीक भांगर आनी पयशे चोरताली अशें तांच्या लक्षांत आयले. उपरांत ताणें चोरयेची म्हायती वास्को पुलिसांक दिली. फुर्तादो हांच्या कागाळी प्रमाण पुलिसांनी कलम 371 खाला गुन्यांव नोंद करून चवकशी सुरू केली आनी आयज सकाळीं वावराडेक अटक केली. सध्या तिची चवकशी चलता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
