भांगरभूंय | प्रतिनिधी
मडगांव विद्यार्थिनीचेर लिंगीक अत्याचार प्रकरण
मडगांव: मडगांव पुलीस स्टेशनाचे हद्दींत 2012 ते 2014 मजगतीं सान पिरायेचे चलयेचेर लिंगीक अत्याचार केल्ल्या प्रकरणांत दुबावीत अर्जून गवंडे ह्या शिक्षकाक बाल न्यायालया कडल्यान अटकपूर्व जामीन मंजूर केलो.
मडगांव पुलीस स्टेशनाचे शिमेंतल्या शिक्षका कडल्यानूच विद्यार्थिनीचेर लिंगीक अत्याचार केल्ल्याची कागाळ नोंद जाले उपरांत मडगांव पुलिसांनी दुबावीत शिक्षक अर्जून गवंडे हाचे आड ऑगस्ट म्हयन्यांत गुन्यांव नोंद केल्लो. लिंगीक अत्याचाराची घडणूक 2012 ते 2014 ह्या दोन वर्सांच्या काळांत घडिल्ली. कागाळी उपरांत पुलिसांनी भारतीय दंड संहितेच्या कलम 354, 376, गोंय बाल कायदो कलम 8 (2) आनी बाल संरक्षण कायद्या प्रमाण गुन्यांव नोंद केल्लो.
ह्या प्रकरणांत दुबावीत शिक्षक गवंडेन बाल न्यायालयांत अटकपूर्व जामिना खातीर अर्ज सादर केल्लो. ते प्रमाण बाल न्यायालया कडल्यान दुबाविताक 20 हजार रुपयांचो बाँड, तितलेच रकमेचो हमिदार आनी 15 दीस सकाळीं 10 ते 1 वरां मेरेनच्या काळांत मडगांव पुलीस स्टेशनार हजेरी लावपाचे अटीचेर अटकपूर्व जामीन मंजूर केलो.
कुंकळ्ळेंतल्या शिक्षकाच्या
मजगतीं, कुंकळ्ळी पुलीस स्टेशनाचे शिमेंतलो शारिरीक शिक्षक रमेश गांवकार हाचे आड विद्यार्थिनी कडल्यान विनयभंग केल्ल्याची कागाळ नोंद केले उपरांत ताका अटक केल्या. उपरांत आनीक कांय चलयांनी शिक्षका कडल्यान विनयभंग केल्ल्याची कागाळ केल्ली. थळाव्यांनी ह्या शिक्षकाक बडतर्फ करपाची मागणी केल्या. सद्या हो शिक्षक न्यायालयीन कोठयेंत आसून बाल न्यायालयांत जामिना खातीर अर्ज केला. ह्या अर्जाचेर बुधवारा 27 वेर सुनावणी जातली.
जामिनाचेर 27 वेर सुनावणी
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
