भांगरभूंय | प्रतिनिधी
नवी दिल्ली, खबरां संस्था: प्रधानमंत्री नरेंद्र मोदी हांणी आयज णव नव्या वंदे भारत एक्सप्रेस रेलगाडयांक पांचवो बावटो दाखयलो. ह्यो रेलगाडयो राजस्थान, तामिळनाडू, तेलंगणा, आंध्र प्रदेश, कर्नाटक, बिहार, अस्तंत बंगाल, केरळ, ओडिशा, झारखंड आनी गुजरात राज्यांनी प्रवास करतल्यो. त्यो उदयपूर-जयपूर, तिरुनेलवेली- मदुराई- चेन्नय, हैदराबाद- बेंगळुरू, विजयवाडा-चेन्नय, पाटणा-हावडा, कासारगोड- तिरुवनंतपुरम, राउरकेला- भुवनेश्वर- पुरी, रांची- हावडा आनी जामनगर- अहमदबाद मजगतीं धांवतल्यो.
ह्या वेळार प्रधानमंत्री मोदी हांणी सांगलें ः 25 वंदे भारत ट्रेनी पयलींच धांवतात. आतां तातूंत आनीक 9 गाडयो जोडल्यात. वंदे भारत ट्रेनीची लोकप्रियता सतत वाडतूच आसा. आतां मेरेन 1 कोटी 11 लाख परस चड प्रवाशांनी हातूंतल्यान प्रवास केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
