भांगरभूंय | प्रतिनिधी
म्हापशें: मरड सांगोल्ड्यां व्हिन्सेंट फर्नांडीस हांच्या घरांतले रांदचेकुडीक उजो लागलो. ह्या उज्यांत रांदचीकूड आनी गुदांवाची कूड लासून गोबर जावपाची घडणूक घडली. हाका लागून 2 लाखांचें लुकसाण जालें. काल (सोमार) ज्येश्ठ नागरीक दिसा ह्या ज्येश्ठ नागरिकाच्या घराक उजो लागलो.
ही घडणूक सोमारा रातच्या 8.30 वरांच्या सुमाराक घडली. हे घडणुकेची म्हायती मेळटकूच म्हापशेंच्या उजो पालोवपी दळाचे उपअधिकालरी ज्ञानेश्वर सावंत हांच्या फुडारपणा खाला जवानांनी घडणूक थळार धांव घेवन उजो आटापा हाडलो.
उज्यांत रांदचेकुडींतल्यो सगल्यो वस्तू तशेंच गुदांवांतल्यो सायलाच्यो फ्रेमी, हेर सामान लासून गेलें. शॉर्ट सर्किटाक लागून उजो लागिल्ल्याचो दुबाव आसा. घरांत जाण्टें जोडपें आशिल्लें. पूण तांकां कसलीच दुखापत जाली ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
