राष्ट्रपती मुर्मू गोंयां येतात : हे रस्ते टाळात

भांगरभूंय | प्रतिनिधी

पणजी, प्रतिनिधी : राष्ट्रपती द्रौपदी मुर्मू मंगळार २२ वेर गोंयांत येतात. २४ ऑगस्टाक तांची गोंय भेट सोंपतली. ह्या काळांत तांच्यो साबार कार्यावळी जावपाच्यो आसात. तातूंत विधानसभेच्या खाशेल्या अधिवेशनात संबोधन, गोंय विद्यापीठ पदवीदान सुवाळो हांचो आसपाव आसा. तशेंच ती फोर्ट आग्वाद, बाँ जिझस बासिलीका, शांतादुर्गा देवळाकूय भेट दितली. आदिवासी समाजाच्या शिश्टमंडळा वांगडा तांची भासाभास जावपाची आसा.
सुरक्षेच्या कारणां वयल्यान वाहनचालकांनी कांय थारावीक रस्त्यांचे येरादारी करप टाळचें, अशें सरकारा वतीन कळीत केलां. ते रस्ते थोडो वेळ येरादारीक बंदूय आसतले. सगले कडेन कडक पुलीस बंदोबस्त दवरतले.
खंयचे रस्ते टाळपाचे, ताची ही वळेरी.

पयलो दीस – २२ ऑगस्ट

एनएच 566 : दाबोळी विमानतळ ते वेर्णें
एनएच 66 : वेर्णें ते बांबोळी
गोंय वैजकी म्हाविद्यालय ते दोनापावल
दोनापावल ते मिरामार सर्कल
मिरामार सर्कल ते बांदोडकर पुतळो

दुसरो दीस – २३ ऑगस्ट

राजभवन ते बांबोळी
एनएच 66 : बांबोळी ते पर्वरी
अटल सेतू

तिसरो दीस- २४ ऑगस्ट

राजभवन ते बांबोळी
एनएच 66 : बांबोळी ते मेरशे जंक्शन
एनएच 748 : मेरशे जंक्शन ते जीव्हीएम सर्कल, फोंडें
एनएच 566 : जीव्हीएम सर्कल ते बोरी पूल
बोरी पूल ते आयडीसी वेर्णें
एनएच 566 : आयडीसी वेर्णें ते दाबोळी विमानतळ