भांगरभूंय | प्रतिनिधी
मडगांव: कोंकण रेल्वे मार्गार रत्नागिरी ते वैभववाडी मजगतीं देखभाल आनी दुरुस्तीच्या कामा खातीर तीन वरां मेगाब्लॉक करतले. 23 ऑगस्ट दिसा साडेसात ते साडेधा ह्या तीन वरां मजगतीं देखभालीचीं कामां करतले. हाका लागून तीन गाडयांच्या वेळांचे नियमन करतले.
कोंकण रेल्वेन दिल्ले म्हायती प्रमाण 23 ऑगस्ट दिसा कोंकण रेल्वे मार्गार रत्नागिरी ते वैभवाडी ह्या स्टेशना मजगतच्या रेल्वेच्या मालमत्तेच्या देखभालीचीं कामां हातांत घेतले. हे खातीर सकाळीं साडेसात ते साडेधा ह्या तीन वरांच्या वेळांत रत्नागिरी ते वैभववाडी वाठारांतल्यान धांवपी गाडयांचे नियमन करतले. हाचो तीन गाडयांक फटको बसतलो.
रेल्वे क्रमांक 11003 दादर ते सावंतवाडी रोड तुतारी एक्सप्रेस हे गाडयेक रोहा ते रत्नागिरी ह्या स्टेशनां मजगतीं थांबो दिवन नियमन करतले. तशेंच ही गाडी सुमार अडेज वरां उसरां धांवतली.
रेल्वे क्रमांक 16346 थिरुअनंतपुरम सेंट्रल ते लोकमान्य टिळक टर्मिनस एक्स्प्रेस ही गाडी उडुपी ते कणकवली ह्या स्टेशनां मजगतीं थांबो दिवन तीन वरां उसरां फुडल्या प्रवासा खातीर धांवतली. जाल्यार रेल्वे क्रमांक 10106 ही सावंतवाडी रोड ते दिवा जंक्शन एक्स्प्रेस ही गाडी सावंतवाडी ते कणकवली ह्या स्टेशनां मजगतीं 30 मिनटां खातीर थांबोवन नियमीत करतले. प्रवाशांनी ह्या मेगाब्लॉकाक लागून जाल्ल्या बदलाची नोंद घेवची अशें आवाहन कोंकण रेल्वे प्रशासनान केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
