दिवाळे मेरेन ई- पासपोर्ट मेळटले
भांगरभूंय | प्रतिनिधी
नवी दिल्ली, खबरां संस्था : आतां सामान्य नागरिकांक दिवाळी मेरेन ई- पासपोर्ट मेळपाक शकता. चिप आशिल्ल्या ह्या पासपोर्टाच्यो सगल्यो तंत्रिक चांचण्यो पुराय जाल्यात. नाशकांतलो इंडियन सिक्युरिटी प्रेस पयल्या वर्सा 70 लाख ई- पासपोर्ट पुस्तिका छापता. ताका 4.5 कोटी चिप पासपोर्ट छापपाची ऑर्डर मेळ्ळ्या. गोंयां सयत सगल्याक आतां ई- पासपोर्ट दिवपाक सुरवात जातली. पुराय संवसारांत एकेच तरेचे पासपोर्ट जावचे म्हूण ही येवजण चालीक लायल्या.
41 खाशेलेंपणा आशिल्ल्या ह्या पासपोर्टाक लागून 140 देशांतल्या विमानतळांचेर इमिग्रेशन प्रक्रिया कांय मिनटांत पुराय जातली. दिसपाक हे पासपोर्ट पुस्तक कशे आसतले. मदीं फक्त एका पानाचेर रेडियो फ्रिक्वेन्सी आयडेंटिफिकेशन चिप आनी लास्ट पानाचेर ल्हान फोल्डेबल अँटेना आसतलो.
चिपांत पासपोर्ट धारकाचे बायोमेट्रिक तपशील आनी पुस्तिकेंत सध्या आसतात, त्यो सगल्यो गजाली आसतल्यो. चिप आशिल्ल्या पासपोर्टा खातीर गर्दी जावची न्हय म्हणून ही येवजण टप्प्याटप्प्यान चालीक लायतले.
पासपोर्टांत सांठयिल्लें मुखामळ आनी इमिग्रेशन मजगतींचो फोटो कांय सेकंदांत जुळटलो. कोण फटींगपणा करता जाल्यार तेंय कळटलें. सध्या पासपोर्टांतलो आदलो फोटो आनी प्रत्यक्ष मनशाची प्रतिमा जायते फावटी जुळना. पोरणी पासपोर्ट पुस्तिका रिकामी आसल्यार तो संबंदीत कार्यालयांत दिवन नव्या पासपोर्ट खातीर अर्ज करचो, अशें कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
