चांद्रयान सॉफ्ट लँडींगा खातीर तयार
भांगरभूंय | प्रतिनिधी
रशियेच्या लुना चंद्र मोहिमेक धपको
भांगरभूंय । खबरां संस्था
भारता खातीर आयज उमेदीची गजाल, जाल्यार रशिये खातीर चिंतेची. भारताच्या चांद्रयान- 3 ची निमाण्या डे- बुस्टची फेरी येसस्वीपणान पार केल्या. भारता परस फाटल्यान भायर सरिल्ल्या रशियेच्या लुना चंद्र मोहिमेक धपको बसला. चंद्राच्या 100 किलोमिटर कक्षेंत वतना अचकीत लुनाच्या कॉम्प्युटरांत एरर आयलो आनी तें खंयतरी शेंणलें. रशिया अंतराळ संस्था याना कडेन संपर्क जोडपाचो यत्न करता.
आतां संवसारांतल्या सगळ्यांचें लक्ष भारताच्या चांद्रयान 3 कडेन लागलां. चांद्रयान आतां चंद्राच्या पृश्ठ भागा कडल्यान वट्ट 25 किलोमिटर पयस आसा. विक्रम लँडर आयतारा फांतोडेर 2 ते 3वरां मजगतीं चंद्रा लागसार पाविल्लें.
लुना- 25 अंतरिक्ष यान लँडींग करपा खातीर कक्षेंत प्रवेश करचे पयलीं असामान्य परिस्थितीक तोंड दिता अशें रोस्कोमोसान सांगलें. लुना-25 हें अंतरिक्षयान सोमारा चंद्राच्या दक्षीण ध्रुवाचेर देंवपाचें आशिल्लें.
चंद्राच्या पृश्ठ भागाचेर सॉफ्ट लँडींगा खातीर चंद्रयान- 3 च्या लँडराचो वेग उणो करप गरजेचें. लँडींग मिशनांतलें हें सगळ्यांत व्हडलें आव्हान. हाचे आदीं डि- बूस्टिंग प्रक्रिया 18 ऑगस्टाक जाल्ली.
आयतारा जाल्ले दुसरे आनी निमाणे डि- बूस्टिंग विशीं इस्रोन सांगलें, सॉफ्ट लँडिंगा खातीर पॉवर्ड डिसेंट 23 ऑगस्टाक सांजेवेळार 5.45 वरांचेर सुरवात जातली अशी अपेक्षा आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
