भांगरभूंय | प्रतिनिधी
0 वास्कोच्या श्री दामोदर भजनी सप्तका निमतान 21, 22 आनी 23 ऑगस्टाक विवीध धर्मीक, सांस्कृतीक कार्यावळी आयोजीत केल्यात. मंगळार 22 वेर श्री दामोदर भजनी सप्ताक दनपरां 12.30 वरांचेर जोशी कुटुंबा वतीन श्रीफळ दवरून सुरवात जातली. अखंड चोवीस वरां भजनी सप्तकाची सुरवात अशोक मनोहर मांद्रेंकार हांच्या गायनान सुरवात जातली. 23 ऑगस्टाक दनपरां 12.30 वरांचेर चोवीस वरांचो भजनी सप्ता सोंपतलें.
0 कोंकणी भाशा मंडळ आनी रवीन्द्र केळेकार ज्ञानमंदीर आयोजीत वर्सुकी शिश्यवृत्ती भेटवण सुवाळो आनी मीरा कोसंबी व्याख्यान माळ सोमार 21 ऑगस्टाक दनपरां 3 वरांचेर मडगांवच्या रवीन्द्र भवनांत जातली. ‘शिक्षणाचें लोकशायकरण : एकलव्याच्या सांगातान’ हें व्याख्यान एकलव्य इंडिया फावंडेशनाचे संस्थापक राजू केंद्रे दितले.
0 सांतेरीभाट- वळवयच्या श्री शांतादुर्गा देवस्थानांत श्रावणी सोमार मनयतले. पयलो सोमार 21 ऑगस्टाक. ह्या निमतान विवीध कार्यावळींचें आयोजन केलां.
0 तळवाडो- वेरोडें- कुंकळ्ळेच्या श्रीशांतादुर्गा वेर्डेकान्न संस्थानात श्रावणी सोमवारा निमतान 21 वेर कार्यावळी. दनपरां महाप्रसाद, सांजवेळा 7 क ‘गाणे अमृताचे’ ही सुगम संगीताची कार्यावळ. तातूंत नेहा कळसुलकर आनी प्रसन्न प्रभू तेंडोलकर हांचें गायन जातलें.
0 पैरा, मयेंच्या श्री कलंबादेवी सत्पुरुष देवळांत पयलो श्रावणी सोमार 21 ऑगस्टाक भोसले महाजनां वतीन मनयतले. सकाळीं 6.30 वरांचेर अभिशेक, लघुरुद्र, गंधपुजा, उपरांत दनपरां 12.30 वरांचेर आरती जातली. सांजवेळार 6.30 वरांचेर आखाडकार महाजनां वतीन भजन जातलें.
0 शिवोले भौशीक गणेश उत्सव विश्वस्त मंडळा वतीन 22 वेर श्रावणी मंगळार. दिसभर धर्मीक विधी, दनपरां महाप्रसाद, सांजचो साडेसंक सोहम संगीत कला संस्थे वतीन भजन.
0 श्रीस्थळ – काणकोणच्या श्री मल्लिकार्जुन देवळांत श्रावणा निमतान सांस्कृतीक कार्यावळी जातल्यो. देवळांत महारुद्र सुरू जाला. सेगीत सात दीस तो चलतलो. बुधवार 23 वेर समाप्ती जातली. दरेका श्रावण सोमारा सकाळीं 8 वरां सावन अभिशेक करपाक मेळटलो. पयसुल्ल्यान येवपी भाविकां खातीर महाप्रसादाची वेवस्था करतले. दनपरां 1 वरांचेर महाअभिशेक तर सांजे 6.30 वरांचेर भजन/ किर्तन आनी रातच्या 9.30 वरांचेर पालखी जातली.
0 मुरगांवचे गोमंतक भंडारी समाज युवा समितीन 23 ऑगस्टाक अखील गोंय गवळण गायन सर्त आयोजीत केल्या. ती वास्कोच्या श्री साईबाबा मंदीर, टॅक्सी स्टॅण्ड लागसारचे माचयेर सांजेवेळार 5 वरांचेर सुरू जातली. वांटो घेवपाक 9823912011 चेर संपर्क सादचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
