वीट-फातरां बगर घटमूट घरां, तींय सवाय भितर
भांगरभूंय | प्रतिनिधी
बेंगळुरूंत 3 डी प्रिंटींगान बांदिल्ले पोस्ट कचेरेचें उक्तावण
नवी दिल्ली, खबरां संस्था : केंद्रीय मंत्री अश्विनी वैष्णव हांणी बेंगळुराक 3 डी प्रिटींगान तयार केल्ल्या टपाल खात्याचें (पोस्ट आॅफीस) उक्तावण केलें. 3डी प्रिंटींग तंत्रज्ञान वापरून बांदिल्लें हें देशांतलें पयलें टपाल खातें. बेंगळुरूच्या कँब्रीज लेआवट लागसारच्या उल्सूर मार्केटांत तें उबारलां. ह्या बांदकामांत वापरिल्लें तंत्रगिन्यान जायत्या तरांनी वेगळें आसा. सुमार 1000 चौखण फुटांत घर बांदपाक सुमार 12 म्हयने लागतात, पूण नवें टपाल खातें फकत 44 दिसांनी बांदलें.
अशे परिस्थितींत 3D प्रिंटींग तंत्र कितें, टपाल खात्याची रचणूक कितली वेगळी आसा, सामान्य बांदकामां परस ती कितली सवाय, टिकावू आसा आनी देशांत अशीं बांदकामां खंय जाल्यांत अशे प्रस्न उप्रासतात.
3 D प्रिंटींग तंत्रज्ञान म्हणल्यार कितें?
3 D प्रिंटींग तंत्रज्ञान हें नांव आयकून चडशा लोकांक दिसता की ताचो संबंद प्रिंटरा कडेन आसा, पूण तशें ना. ह्या तंत्रांत वण्टी, पांखें आनी जमीन रोबॉटिक्सा वरवीं लेयर बाय लेयर तयार करतात. साद्या उतरांनी सांगचें म्हळ्यार, मशिनाक जश्यो बांदकाम आनी डिझायना सुचोवण्यो दितात ते तरेन तें आपोआप घर तयार करता. हें साधन घर बांदपाक जायत्या तरांनी मजत करता.
सादारणपणान बांदकामांत विटांचो उपेग करतात, पूण 3 D प्रिंटिंगान तयार केल्ल्या बांदकामांत एक तर ब्लॉक वापरतात वा वापरनात. ह्या तंत्रान उण्या वेळान बांदकाम पुराय करूं येता. सादारणपणान विटांनी आनी हेर बांदकामांनी तयार केल्ले इमारतीचे तुळेंत ह्या तंत्रान ती बेगीन पुराय करूं येता.
तंत्रगिन्यान कशें काम करता?
सादारणपणान घराची रचणूक वा बांदकाम करतना नकासो आपणायतात आनी तो मतींत दवरून काम करतात. 3 D प्रिंटिंगांत अशें ना. हातूंत सगळें संगणकीय जालां. संगणकांत अपलोड करतात तो हो नकासो रोबॉटिक्साच्या आदारान आपोआप तयार जाता. रोबॉट प्रणाली भितरल्या भागांत रुंदाय, उंचाय आनी खंय आनी कितें बांदचें तें थारायता.
ह्या तंत्रज्ञानान देशांत कितें निर्माण केलां?
आतां मेरेन ह्या तंत्रान देशांत जायतीं बांदकामां जाल्यांत. आयआयटी मद्रासान फाटल्या वर्सा सप्टेंबरांत ह्या तंत्रज्ञानान घर बांदलें. हाचे उपरांत देशांत जायतीं बांदकामां जालीं.
3 D प्रिंटिंगान तयार केल्लें देशांतलें पयलें घर फाटल्या वर्सा ऑक्टोबरांत आयआयटी गुवाहाटीन भारतीय लश्करी सैनिकां खातीर 3 D प्रिंटेड मॉड्यूलर काँक्रिटाचें पोस्ट तयार केल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
