विवीध सेवांचो लाव घेवपाक मोबायल नंबर आधार कार्डाक लिंक करप गरजेचें
भांगरभूंय | प्रतिनिधी
पणजी: विवीध सेवांचो लाव घेवपाक मोबायल नंबर आधार कार्डाक लिंक करप आनी आधार कार्डांतली म्हायती अपडेट करप गरजेचें आशिल्ल्याचें युनीक आयडेंटिफिकेशन ऑथॉरिटी ऑफ इंडियान (UIDAI) जाहीर केलां. डिजिटल युगांत सरकारी आनी बिगर सरकारी सेवा, अनुदान, निवृत्ती वेतन, शिश्यवृत्ती, सामाजीक लाव, बँकींग, विमा, कर आकारणी, शिक्षण, रोजगार, भलायकी सेवा आनी हेर खुबश्यो सेवा आनी येवजण्यांचो लाव घेवपा खातीर आधार कार्ड म्हत्वाचें आसा. मोबायल नंबर आधाराक लिंक केल्ल्यान ऑनलाय सेवांचो लाव घेवपाक सोपें जाता. ताका लागून आधार कार्डांतली म्हायती अचूक आनी अपडेट केल्ली आसप गरजेची आसा.
आधार नोंदणी करतना जांणी आपलो मोबायल नंबर आधाराक नोंद करूंक ना तांणी कायम नांवनोंदणी केंद्राक भेट दिवन नोंदणी करून घेवची. आधार कार्डाक लिंक केल्ल्या मोबायल नंबराक लागून खुबश्या म्हत्त्वाच्या सेवांचो लाव घेवप सोपें जाता. लग्न, राबीत्याचो नामो आनी हेर स्वताची म्हायती बदलपाक आधार डेटा अपडेट करप गरजेचें. UIDAI पोर्टला वयल्यान लेगीत आपलो डेटा अपडेट करपाक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
