बेकायदेशीर क्रिकेट सट्टो उक्ताडार

भांगरभूंय | प्रतिनिधी

12 जाणांक अटक, मोबायल, लॅपटॉप, रुटर सयत 2 लाखांचो म्हाल जप्त

म्हापशें, प्रतिनिधी ः पर्वरी चलपी बेकायदेशीर क्रिकेट सट्टो पुलिसांनी उक्ताडार हाडलो. 12 जाणांक अटक केल्या. हाचे भायर लॅपटॉप, मोबायल, रुटर अशो दोन लाख रुपया मोलाच्यो वस्तू जप्त केल्यात.
न्यूझीलंड विरुद्ध युएई टी- 20 मॅच सुरू आसतना कांय तरणाटे लोकां कडल्यान पयशे घेवन ऑनलायन क्रिकेटाचेर बेकायदेशीर रितीन सट्टेबाजी करतात अशी म्हायती ब्रेस्तारा पर्वरे पुलिसांक मेळ्ळी. ते प्रमाण पुलीस पंगडान हॉटेल मॅन्ट्रीचे एके कुडीचेर धाड घाली. सट्टो घेतना 12 जाणांक धरले आनी मोबायल, लॅपटॉप, रुटर मेळोन 2 लाखाचो म्हाल जप्त केला.
संजय सुब्बा (नवी दिल्ली), करण राजेश पाटील (अकोला, महाराष्ट्र), नवीन बत्रा (रायपूर, छत्तीसगड), वरिंदर सिंग (बिलासपूर, छत्तीसगड), अमित मोरे (अकोला, महाराष्ट्र), अंकित कुमार (धनबाद, झारखंड), सूरज नागदेव (उत्तर रायपूर, छत्तीसगड), किशन पोपटानी (रायपूर, छत्तीसगड), तिलेश कुमार कुरे (राकजा शक्ती, छत्तीसगड), श्रेय शर्मा (रायपूर, छत्तीसगड), आशीष मंत्री (जयपुर, राजस्थान), रितेश जैस्वाल (अस्तंत दिल्ली), अशीं दुबावितांचीं नांवां आसात.
पुलीस उपअधीक्षक विश्वेश कर्पे हांच्या फुडारपणा खाला पुलीस निरिक्षक सचिन यादव, विकास स्वामी, सीताराम मलीक, उपनिरिक्षक प्रतीक भट प्रभू, हवालदार योगेश शिंदे, महादेव नायक, उत्कर्श देसाय आनी नितेश गावडे हांच्या पंगडान ही कारवाय केली.