म्हापशें शारांत पुलीस गस्तींत वाड
भांगरभूंय | प्रतिनिधी
शिवाजी महाराजांच्या पुतळ्याची सुरक्षा वाडयली
पणजी : स्वातंत्र्य दिसाच्या दोन दीस पयलीं म्हापशें- करासवाड्यार शिवाजी महाराज्यांच्या पुतळ्याची मोडतोड करपाचे फाटभूंयेर पुलिसांनी म्हापशें शारांत गस्त वाडयल्या. पुतळ्याचे मोडतोडी सारक्यो घडणुको जावच्यो न्हय म्हणून पुलिसांनी हो निर्णय घेतला. शिवाजी महाराजांचे पुतळे आसात त्या वाठारांत पुलिसांचें दीस रात लक्ष आसा, अशें पुलीस अधीक्षक निधी वाल्सन हांणी सांगलें.
13 ऑगस्टाक रातचें करासवाड्यार शिवाजी महाराजांच्या पुतळ्याची मोडतोड जाली. मोडतोडी उपरांत शिवप्रेमी एकठांय आयले आनी कारवायेची मागणी केली. हाका लागून तणाव निर्माण जालो. कांय म्हयन्यां पयलीं कळंगुटे हांगाय शिवाजी महाराजांच्या पुतळ्या वेल्यान वाद निर्माण जाल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
