भांगरभूंय | प्रतिनिधी
मुख्यमंत्री: मयें जैवविवीधता नकासो अनावरण सुवाळ्याचें आयोजन
दिवचल: राज्यांतल्या सगल्या 191 पंचायत वाठारांनी जैवविविधताय ऍटलस तयार करतले. ते वरवीं सैमाची राखण, सावजा- सुकण्यांची जतनाय घेवपा वांगडा दरेका गांवां खातीर व्हडा प्रमाणांत निधी उपलब्ध जातलो. ताका लागून फुडले पिळगे खातीर सैम सांबाळप गरजेचें. हवामान बदलाचे परिणाम फुडारांत गोंयांक जाणवतले. हे खातीर विवीध उपाय करपाची गरज आसा, अशें मुख्यमंत्री डॉ. प्रमोद सावंत हांणी सांगलें.
जैवविविधताय वेवस्थापन समिती मयें, पाणलोट संघ आयोजीत मयें जैवविवीधता नकासो अनावरवण सुवाळ्याचें आयोजन महामाया देवळांत केल्लें. ह्या वेळार मुख्यमंत्री उलयताले. हे कार्यावळीक माचयेर आमदार प्रेमेंद्र शेट, जैवविविधताय मंडळाचे वांगडी सचीव प्रदीप सरमोकादम, जिल्हो पंचायत वांगडी शंकर चोडणकार, सरपंच सुवर्णा चोडणकार, सुफला गडेकार, गट विकास अधिकारी श्रीकांत पेडणेंकार, रमेश प्रभुगांवकार, पाणलोट संघ अध्यक्ष सखाराम पेडणेंकार, पंचायत वांगडी आनी हेर मानेस्त हाजीर आशिल्ले.
पिळगांवां विशेश प्रक्रिया प्रकल्प तशेंच मयां गोशाळेंत विशेश प्रक्रिया प्रकल्प सुरू करतले. हवामान बदलाक लागून साबार संकश्टां येवपाक शकतात. ताचो धोको वळखून बदलाक फुडो करपाक तयार रावप गरजेचें. दरेका घरांत गोडेंमुताचें दुयेंस पातळत आसा. खूबशीं दुयेंसां उप्रासतात. सगल्यांनी जतनाय घेवपाची गरज आसा, अशें मुख्यमंत्र्यान सांगलें.
माचयेर हाजीर आशिल्ल्या हेर मानेस्तांनी ह्या वेळार आपले विचार मांडले.
ह्या वेळार हर्षदा गांवस, डॉ. प्रणय वैद्य, अमितराज, सुमित्राज, गौतम बोरकार, जगनाथ फडते, शिवा गोसावी, शिवाचरण गांवस, डॉ. शिल्पा भोसले, सिद्दी गाड, शुभा कंवठणकार, सोना गांवकार, तेजेशवी महाले, वैभवी नायक, कांती सावंत, प्रांजळ गांवकार तशेंच विवीध मानेस्त, विद्यार्थ्यांचो भोवमान जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
