भारतांत पावली ओलाची सवाय स्कूटर

भांगरभूंय | प्रतिनिधी

पणजी, खबरां मेजः ओला S1 PRO, ओला S1 AIR आनी ओला S1 PLUS च्या येशा उपरांत भारतीय इलेक्ट्रीक वाहन मळा वयल्या मुखेल वाहन निर्मात्यान भारतांत S1X इलेक्ट्रीक स्कूटर बाजारांत हाडल्या. ही ह्या ब्रँडाची सगळ्यांत सवाय स्कूटर. तिचें मोल 89,999 रुपयां पसून सुरू जाता.
ओला S1X हेर मॉडेलां सारकीच दिसता. पूण कंपनीन कांय बदल केल्यात. ड्युअल एलईडी हेडलाइट आशिल्लो हेडलॅम्प काउल, ल्हान विंडस्क्रीन आनी डिजिटल इन्स्ट्रुमेंट कन्सोल आसा. S1X ड्युअल टोन बॉडीवर्क सयत येता आनी तातूंत फ्लॅट फ्लोरबोर्ड आसा. तातूंत वाटकुळे आरशे आशिल्लो उक्तो हँडलबार, सपाट सीट आनी फाटल्यान गॅब रेल आसा. फुडल्या एप्रनांत दोन क्युबीहोल आनी 34 लिटर अंडर सीट जागो आसा.
ओला एस 1 एक्स तीन बॅटरी पर्याय दिता- 2 किलवॅट, 3 किलवॅट आनी टॉप-स्पेक S1X प्लस वेरिएंट 4 किलवॅट बॅटरी पॅक वांगडा दितात. ओलान अजून कामगिरीचो तपशील उक्तो करूंक ना. पूण ताची रेंज 150- 160 किमी / चार्ज आसतली. देखून गती 80 किमी आसतली.
ब्रेकिंग सेटअपांत दोनूय तोंकांचेर परंपरीक ड्रम ब्रेक आसतात.

ओला S1X चे मॉडेल आनी तांचें मोल

S1X 2 किलवॅट– 89,999 रुपया
S1X 3 – 99,999 रुपया
S1X Plus 4 – 1,09,999 रुपया
21 ऑगस्ट मेरेन तिनूय वेरिएंटांचेर 10 हजार रुपया सवलत आसा. डिसेंबर 2023 सावन अधिकृतपणान डिलिव्हरी सुरू जातली.