मुख्यमंत्री सरल पगार येवजण उपक्रम
भांगरभूंय | प्रतिनिधी
पणजी ः बंगळुरूच्या रिफायन टॅक प्रा. लि. हांच्या भागीदारीन ‘मुख्यमंत्री सरल पगार येवजण’ उपक्रम सुरू केला. सरकाराच्या कर्मचार्यां खातीर अनपेक्षीत आर्थिक भार कमी करप आनी आर्थिक स्थिरता सुदारप हो ह्या उपक्रमाचो उद्देश.
ह्या उपक्रमा खाला कर्मचारी म्हयन्याच्या निमाण्या तारखेची वाट पळयत रावनासतना खंयच्याय दिसा, केन्नाय आपल्या पगारांतल्यान रक्कम काडपाक शकता. उपक्रमाचो लाव घेवपाक कर्मचारी Google Play Store वा App Store वयल्यान Refyne अॅप डाउनलोड करपाक शकतात. पेपरलेस केव्हायसी पूर्ण केले उपरांत कर्मचारी तत्काळ ताचो पगार काडपाक शकता.
हे येवजणेत सामील जावचे पयली सरकारी कर्मचार्यांनी पेमेंट अटी, शुल्क आनी हेर सगळ्यो अटी वाचून घेवच्यो. जांकां गरजेच्या कारणांक लागून आगाऊ पगार घेवपाचो आसा, तांचे खातीर ही पुराय ऐच्छिक येवजण. हे येवजणे खातीर सरकाराचे कसलेच प्रोत्साहन वा सबसिडी ना. ती वेवसायिक अटींचेर Refyne वतीन चलतली. येवजणेचो लाव घेवपाक कर्मचारी QR कोड स्कॅन करून Refyne अॅप डाउनलोड करपाक शकतात.
मदती खातीर [email protected] चेर ईमेल करचो वा 9513686005 ह्या कस्टमर केअर नंबराचेर कॉल करचो .
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
