झी आनी सोनी आयले एकठांय
भांगरभूंय | प्रतिनिधी
भांगरभूंय । खबरां संस्था
झी आनी सोनी हे टीव्ही चॅनल 28 वर्सांच्या अंतरा उपरांत एकठांय येतले. विलीनीकरणा उपरांत झी+ सोनी हें 24 टक्क्यां परस चड प्रेक्षकां सयत देशांतलें सगळ्यांत व्हडलें मनरिजवण नेटवर्क आसतलें. जायरात येणावळीचो बाजारांतलो वाटोय सुमार 27% आसतलो, असो अदमास आसा. देशांतल्या मनरिजवण उद्देगांत ही टक्केवारी सगळ्यांत चड आसा.
राष्ट्रीय कंपनी कायदा न्यायाधिकरणाच्या (NCLT) मुंबय खंडपीठान दोन दिसां पयलीं झी एंटरटेनमेंट (ZEEL) आनी कल्वर मॅक्स एंटरटेन्मेंट हांच्या विलीनीकरणाक मंजुरी दिली. कल्वर मॅक्सा आदीं सोनी पिक्चर्स नेटवर्क्स इंडिया म्हणून वळखताले.
ह्या विलीनीकरणाचो फायदो दर्शकांक मेळपाक शकता. तांकां OTT आनी हेर गजाली सवाय मेळूं येता. सध्या OTT चेर डिस्ने हॉटस्टार, अमेझॉन आनी नेटफ्लिक्स सारकिल्ले प्लॅटफॉर्म आसात. झी- सोनी या प्लॅटफॉर्मा कडेन तांची सर्त जावं येता.
2021 त, झी न सोनी पिक्चर्स नेटवर्क्स इंडिया ह्या जपानच्या सोनी कॉर्पच्या उपकंपनी सयत विलीनीकरणाची घोशणा केल्ली. पूण रिणकारांच्या आक्षेपांक लागून हें प्रकरण NCLT त आडखळिल्लें. आतां विलीनीकरण 3- 4 म्हयन्यांनी पुराय जावपाक शकतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
