भांगरभूंय | प्रतिनिधी
भांगरभूंय । खबरां संस्था
अमेरिका: अमेरिकेंतल्या हवाई हांगाच्या माऊई रानांत लागिल्ल्या भिरांकूळ उज्यांत आतां मेरेन 89 जाणांक मरण आयलां. ह्या उज्यांत व्हडा प्रमाणांत अर्थीक लुकसाण जालां. सुमार 2100 वयर झाडां आनी 2200 परस चड घरां, गाडयो जळून गोबोर जाल्यांत.
अधिकार्यांच्या म्हणण्या प्रमाण फाटल्या 100 वर्सांनी हें सगळ्यांत व्हडलें लुकसाण आशिल्ल्याचें तांणी सांगलें.
हवाईच्या रानांत फाटल्या कांय दिसां सावन उजो भगभगता. चक्री वादळाक लागून हो उजो नेटान पातळत आसा. ह्या उज्यांत हवाई सयत लाहैना शारांतल्या इतिहासीक वस्तुंचेंय लुकसाण जालां. उजो पालोवपी दळा ह्या उज्याचेर नियंत्रण मेळोवपाचो येत्न करता. पूण उजो आनी धुंवर हाचे मदीं आडकून उरिल्ल्या लोकांक जीव वांटावप कठीण जाता.
उजो पालयल्या उपरांत आमी लोकांक परत घरां मेळोवन दिवपाक, तांकां भलायकेच्यो बर्यो सुविधायो दिवपाक सगळ्यांत पयलीं यत्न करतलें अशें राज्यपाल ग्रीन हांणी सांगलें. शेकड्यांनी लोक आजूनय बेपत्ता आशिल्ल्यान तांचो सोद घेवप सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
