भांगरभूंय | प्रतिनिधी
फोंडें: बाणस्तारी पुलार फाटल्या आयतारा कारण थारिल्लो मर्सिडीज मोटार चालक श्रीपाद उर्फ परेश आत्माराम सिनाय सांवड्डेंकार हाणें जामिना खातीर उच्च न्यायालयांत धांव घेतल्या. अपघाता वेळार मोटारींत आशिल्ली मेघना सांवड्डेंकाराक बुधवारा न्यायालयान पुलिसांक सद्या तरी अटक करची न्हय अशे निर्देश दिल्यात.
मर्सिडीज मोटार चालक श्रीपाद उर्फ परेश आत्माराम सिनाय सांवड्डेंकार हाका बुधवारा फोंडेंच्या पयलो वर्ग न्यायालयान पांच दिसांची पुलीस कोठी दिवपाचो आदेश दिल्लो. ताका लागून दुबावितान बिरेस्तारा उच्च न्यायालयांत जामिना खातीर अर्ज दाखल केला. बिरेस्तारा दनपारां अटक केल्ल्या दुबाविताची वैजकी तपासणी केली. अपघातांत तीग जाणांक मरण आयिल्लें.
अपघाताक कारण थारिल्ल्या चालकाक खर ख्यास्त करपाची मागणी लोकां कडल्यान जायत आसा. फोंडें पुलीस स्टेशनाचे उपअधिक्षक आशीश शिरोडकार हांच्या मार्गदर्शना खाला निरिक्षक मोहन गावडे ह्या प्रकरणाचो अदीक तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
