भांगरभूंय | प्रतिनिधी
भांगरभूंय । बातमीदार
हरमल : हरमला- केरी- म्हापशें- पणजी मार्गा वयली कदंबाची सकाळची फेरी फाटले पांच दीस जाले बंद आसा. ताका लागून विद्यार्थी, कामगार वर्गाक आनी ज्येश्ठ नागरिकांक बरेच त्रास सोंसचे पडटात. सरकाराची ‘माझी बस’ संकल्पना कागदारूच उरिल्ल्यान विद्यार्थी तिडक उक्तायतना दिसतात.
गोंयच्या खंयच्याय वाठारांत बसीची सकाळची फेरी म्हत्वाची आसता जाका लागून विद्यार्थी आनी कर्मचारी वर्गाक ही फायद्याची पडटा. तशेंच हे बस फेरीचो लाव गोवा मेडिकल कॉलेज हॉस्पिटलांत वचपी दुयेंतींक व्हडा प्रमाणांत जाता. कदंब वाहतूक महामंडळान सगळ्यांचें चिंतून सेवा दिवपाची गरज प्रवाशी चिदानंद परब हांणी उक्तायली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
