भांगरभूंय | प्रतिनिधी
फोंडें: गावणें- बांदोड्यां आयज फांतोडेर पुर्वाचार्य देवस्थाना लागसारची राखणे वणत रस्त्यार कोसळ्ळी. ताका लागून मडकय- फोंड्यां यो-वच करपी वाहनांक आडखळ निर्माण जाली. हांगा नवी राखणे वणत उबारपाची मागणी थळावे करतात.
बिरेस्तारा फांतोडेर पुर्वाचार्य देवस्थाना लागसारा आशिल्ली कितल्याशाच वर्सां आदली राखणे वणत कोसळ्ळी. ताका लागून देवळाक कांय प्रमाणां धोको निर्माण जाला. फाटल्या कांय दिसां सावन ती कोसळपाचे वाटेर आशिल्ली. थळाव्यांनी पंचांक हे विशीं म्हायती दिल्ली.
बिरेस्तारा सकाळीं हे घडणुकेची म्हायती मेळटांत वीज मंत्री सुदीन ढवळीकार हांणी पंचायत मंडळा वांगडा ह्या वाठारांत वचून पळोवणी केली. राखणे वणत रस्त्यार कोसळिल्ल्यान येरादारीक आडखळ निर्माण जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
