पालिकांनी कितलो कर घेवचो ताचेर रोखडोच कायदो- विश्वजीत
भांगरभूंय | प्रतिनिधी
पणजी: प्रस्न काळांत आमदार विजय सरदेसाय हांणी आयज एक म्हत्वाचो प्रस्न हाजीर केलो. खुबशीं बेकायदेशीर वेवसायीक आस्थापनां आनी प्रकल्प उबारतात. हे खातीर पालिकेच्या महसुलांत बरोच व्हड उणाव निर्माण जाला. हो महसूल भरून काडपा खातीर घरपट्टी, कोयर पट्टी हाच्यांत वाड केल्यार प्रामाणीकपणान कर भरप्यांचेर अन्याय जाता, असो म्हत्वाचो मुद्दो आमदार सरदेसाय हांणी सभाघरांत मांडलो.
ह्या प्रस्नाक जाप दितना नगरविकास मंत्री विश्वजीत राणे हांणी लोकां कडल्यान राज्यांतल्या पालिकांनी कितली घरपट्टी, कोयर पट्टी घेवची हाचेर कसलेच तरचो कायदो सध्या ना. ताका लागून दरेक पालिका स्वतंत्रपणान जाय तसो कर आकारतात. हातूंत कसलेच तरेचीं एकसुत्रीपणां ना. देखून वर्गवारी प्रमाण पालिकांनी कितलो कर घेवचो हाचेर कायदो करतले अशें आस्वासन तांणी दिलें.
ह्या वेळार आमदार दिगंबर कामत हांणी पालिकेच्या कर आकारणीचेर नियंत्रण दवरपा खातीर नेम करपाची मागणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
