भांगरभूंय | प्रतिनिधी
भांगरभूंय । प्रतिनिधी
वाळपय: कोपड्डें- वाळपय कदंब बस दोन वर्सां सावन बंद आसा. ताका लागून ह्या वाठारांतल्या विद्यार्थ्यांचें व्हडा प्रमाणांत लुकसाण जातना दिसता. मागणी करून लेगीत हांगा बस सुरू जावंक ना. ह्या वाठारांतल्यान सरकारी आनी खाजगी कंपन्यांनी वचपी नोकर वर्गाक बरेच त्रास सोंसचे पडटात. ही बस परत सुरू करची अशें मागणी करपी निवेदन प्रणय रावळ हांणी कदंब म्हामंडळाच्या कार्यालयांत सादर केलें. तेच प्रमाण निवेदनाच्यो प्रती आमदार डॉ. देविया राणे हांकां सादर केल्यो. तांणी हे विशीं आपूण विशेश लक्ष दितलीं अशें आस्वासन दिलें.
मजगतीं, हे विशीं आमदार डॉ. राणे हांचे कडेन संपर्क केलो तेन्ना तिणें सांगलें, कोपाड्डें बस पयलीं सुरू करपा खातीर आपूण कदंबाच्या अधिकार्यां कडेन चर्चा करतलीं. ही बस कित्याक बंद केली हे विशींय विचारतलीं अशें तिणें सांगलें. प्रवासी बसी गांवगिर्या वाठारांतले जनते खातीर सामक्यो गरजेच्यो, अशें तिणें म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
