वास्को धरलो 1. 20 लाखांचो गांजो
भांगरभूंय | प्रतिनिधी
वास्को: मुंडवेल -वास्कोच्या अक्षयकुमार शेट्टी (28) हाचे कडेन 1 लाख 20 हजार रुपयांचो 1 किलो 200 ग्रॅम गांजो सांपडिल्ल्यान वास्को पुलिसांनी मंगळारा ताका अटक केली.
वरुणापुरी मांगोरहील हांगा अक्षयकुमार गांजो घेवन येवपाचो आसा अशी म्हायती खबरीन वास्को पुलिसांक दिल्ली. ताका लागून रातच्या पावणे तीन वरां मेरेन उपनिरीक्षक मयुर सावंत आनी हेर पुलीस वरुणापुरी वाठारांत गस्त घालताले. अक्षयकुमार नदरेक पडटांच ताका ताब्यांत घेतलो. ताचे कडल्यान योग्य जापो मेळूंक ना. उपरांत ताच्या दोन चाकी वाहनाची तपासणी केली तेन्ना तातूंत गांजो मेळ्ळो. अक्षयकुमार हाका फांतोडेर अटक जाली. हे विशीं पुलीस निरीक्षक कपील नायक हांच्या मार्गदर्शना खाला रोहन नागशेकार फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
