भांगरभूंय | प्रतिनिधी
पणजी : गोंय कर्मचारी भरती आयोग दुरूस्ती विधेयका सयत सभाघरांतसोमारा वट्ट 6 विधेयकां सादर जालीं. चार विधेयकां मुख्यमंत्री डॉ. प्रमोद सावंत हांणी सादर केलीं. एक विधेयक समाज कल्याण खात्याचे मंत्रीसुभाष फळदेसाय आनी एक विधेयकसहकार मंत्री सुभाष शिरोडकारहांणी सभाघरांत सादर केलें.
ज्या खात्यांनी 8 जानेवारी 2022 पयलीं नोकर भरतीच्यो जायराती दिल्यात, तांंणी परिक्षा घेवन भरतीची प्रक्रिया 31 ऑक्टोबर 2023 पयलीं करपाचीतजवीज करपा खातीर कर्मचारी भरतीआयोग कायद्यांत दुरुस्ती जातली.कायद्याच्या कलम 7 मदीं हो उल्लेख जातलो. गोंय कर्मचारी भरतीआयोग दुरुस्ती विधेयका सयत जीएसटी दुरुस्ती, वॅट दुरुस्ती आनी गोंय शुल्क वसुली विधेयक मुख्यमंत्री डॉ. प्रमोद सावंत हांणीसभाघरांत मांडलें.
सहकारी संस्थाच्या कायद्यांत दुरुस्ती करपी विधेयक मंत्री सुभाष शिरोडकार हांणी मांडलें. सहकारी संस्थांक 13 टक्यां परसचड कळंतरान रीण दिवपाक मेळचे ना. हाचे सयत हेर नव्यो तजविजो विधेयकांत आसात.
अनुसूचीत जाती, जमाती आनी हेर मागास वर्गीया खातीर जो जातीचो दाखलो दितात, ताच्या नेमांत दुरुस्तीजावपाची आसा. हे विधेयक मंत्री सुभाष फळदेसाय हांणी मांडलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
