भांगरभूंय | प्रतिनिधी
गोंय तशेंच चार पांच राज्यांच्यो वेंचणुको लागीं आयल्यात. अंदूं, फुडल्या वर्सा त्यो जातल्यो. वेंचणुकेंत शिक्षण, पिराय, उद्येग आनी वेवसायांतल्या अर्थकारणाक म्हत्व येतलें, अस्तुरेनय तें मतींत दवरचें. गोंयचे भूंयपूत केरळ, तामीळनाडूचे राज्यपाल राजेंद्र आर्लेकार हांणी राजकारण्यांच्या शिक्षणाचो विशय हालींच मांडला. व्हडा सुवाळ्यांत जाल्ले दोन सोपूत विधी तांकांय थाकाय हाडपी. विसव घेवपाक तांकां जल्मभूंय म्हत्वाची दिसली. ते गोवा फेस्त कार्यावळींत मेकळेपणान उलयतना केरळ, तामीळनाडूंतलें राजकारण धांवपाक लागिल्लें, कर्नाटकांतय तें धांवता.
गोवा फेस्त म्हणल्यार सगल्यांक याद येतली राज्यांत घडिल्ल्या तरुण तेजपाल घडणुकेची. झालमुरी, इडली सांबार, लस्सी, मथुरा पेढा, कचोरी राजकारणांत तेजपाल खंय आसात? गोंय, देश विदेशांतल्या घरांत?
राजकारणांत बदल हाडपी केरळ, तामीळनाडूच्या राज्यपालांक प्रधानमंत्र्यांची शाबासकी मेळूंक जाय. राजकारणाचो नवो अध्याय सुरू जातना राजकारणांत येवपाक उणेंच शिक्षण गरजेचें असो विचार तांणी मांडलो. एक राश्ट्र, एक वेंचणूक चालीक लावपाचो वगत आयला ही तांची मॅसेज कोणाक कळ्ळी? दोन राज्यांचे राज्यपालपद सांबाळटना तांकांय सर्कस करची पडटा. इंग्लेजीचेर कमांड, संविधानाचे जाणवीकायेंतल्यान ते सादूर रावन पावलां मारतात. तामीळनाडूंत बदल जातना त्या राज्यांत येवपी राजकी अस्थिरताय तांकां दिसल्या व्हय? ते खातीर तांणी तामीळनाडूंच्या मुख्यमंत्र्यांक हेर राजकी पक्षांच्या वांगड्यांच्यो सह्यो आशिल्लीं पत्रां पयलीं हाडपा पासत आग्रो धरिल्लो आसतलो. तामीळनाडूंत फोडाफोडींचे राजकारण सुरू जालां. तें केंद्र सरकाराक घटाय दितलें अशीं चिन्नां आसात. तातूंतल्यान नव्या राजकी इक्वेशनांची बांदावळ जातली.
झालमुरी, इडली सांबार, मथुरा पेढा ते च्या, लस्सीमेरेन 2027 त वचपी देशांतलें राजकारण मूड लोकसभा 2029 थारयतलें अशें दिसपाक लागलां.
तामीळनाडूचे मुख्यमंत्री उंचेलें शिक्षण पुराय करुंक नाशिल्ले, केरळचे मुख्यमंत्री कायद्याचें शिक्षण घेतिल्ले. प्रदेशाची संस्कृताय, भेस, भासेबराबरीन दोनय मुख्यमंत्र्यांक देशांतल्या राजकारणाची वळख आसा. सिनियरांक कुशीक दवरून केरळचे मुख्यमंत्री व्ही डी सतिशन हांकां मुख्यमंत्रीपदाची संद मेळ्ळी. खासदार प्रियांका गांधी हांच्या तेंक्यार ते फुडें पावल्यात. प्रियांका भारतीय काँग्रेसीच्या राजकारणांत पकदस्त जातात हो रकाद देश पावंड्यार हे घडणुकेन पावयला.
केरळचे मुख्यमंत्री थंय आंब्यांच्या पावसा आदल्या (मॉन्सून) नितळसाणीच्या वावराक पयलीं लागले. तोच वावर केरळचो फुडार हें तांकां खबर आसा. तांकां केरळांतलो ग्रीन कॉरिडोराचो मार्ग राज्यपाल दाखयतले अशी आस्त बाळगुया. गोंयचे सभापती म्हणून केरळच्या राज्यपालांनी केल्लो वावर मोलादिक, राज्याक ग्रीन कॉरिडोरांत व्हरपाचो. गोंयांत येवपी वॉटर मेट्रो (व्हडली फेरीबोट, मॉर्डन सुविधांची) राज्या भायर हेर राज्यांनी वचपाक उपेगी जायत व्हय? ती मेट्रो रस्त्यांवयली येरादारीची कोयंडी मोडून काडपाक आदार जातली. आदीं न्हंयो उसपून घेवपाक जाय.
दक्षिणेंतल्या उडप्यांचो इडली सांबार, डोसा देशांतल्या चडशा राज्यांनी पावला. म्हारगायेंत इडली सांबार, चपाती भाजी पोटाभरीची. गोंयचे अन्नपूर्णेक विधानसभा वेंचणुकेच्या तेंपार बरे दीस येतले, 24 वरां गिरायकय मेळटलें. नॉनव्हेज बिर्याणी, वडापावा परस भाजीपाव, चपाती भाजी, इडली, जिरा रायस, पुलाव, सॅंडविच, ब्रेड बटर भलायकेक केन्नाय बरें. अन्नपूर्णेक मार्केट घरा लागीं हाडपी, तोपयो घालपी वाडल्यात. उबाळांत उण्या तेला तुपाचें खाण जेवण बरेंच. शिकिल्ल्या राजकारण्यांक तें कळटलें, राजकारण्यांच्या भलायकेची चावी वॉक, खाणा जेवणांत आसा.
राजकारणी शिकिल्ले कित्याक आसचे? आमदार जेन्ना मुख्यमंत्री, मंत्री, राज्यपाल जातात तेन्ना तांकां संविधान, कायदे वाचल्यार तांच्या पदाची जापसालदारकी कळटा. मुखार आयिल्ल्या फायलींचेर वाचून सय करप म्हारग पडना. विशय मांडटना मूळ शेणना. न शिकिल्ल्या, उणे शिक्षण घेतिल्ल्या राजकारण्यांक मोबायलार आठ- धा पानां धाडपी हजार जाल्यात, धांवतात. तामीळनाडूचे मुख्यमंत्री जावचे आदींच तांच्या फाटल्यान अधिकारी धांवपाक लागिल्ले तें तामीळनाडूंच्या राज्यपालांक कळ्ळें. थलपतीक मुख्यमंत्रीपदा मेरेन पावयतना राज्यपाल लोकां मेरेन लोकभवना भायर आयले, लोकां भितर गेले. तांकां राजकारणी शिकिल्ले आसचे, शिकत रावचे, कागदावयलें आदीं वाचचें ही गरज तांकां कळ्ळी. म्हज्या मतान बारावी मेरेन मिनिमम, मॅक्झीमम पदवी, कायद्याचें शिक्षण, प्रशिक्षण गरजेचें. वगतार पुस्तकांतलो इतिहास वाचप, इतिहासाची जाणवीकाय आसप, तो समजून घेवप अक्षर वळख जायच.
अक्षरा बराबरीन आवाज, दोळ्यांची भास, चलप, हाता बोटांची चाल, विशयाचो अभ्यास करपाक आमदारांनी शिकपाक जाय. शिक्षणांतल्यान मुखार वचपी ती बराबरीन येता तेन्ना तिका उर्बेभरीत येवकार दियात. सायबर क्रायमा विशीं सादूर रावपाची अचूक मॅसेज मेळटा तेन्ना तंत्रगिन्यानांत, म्हारगायेचोय विचार करचो पडटा.
सुहासिनी प्रभुगांवकार
9881099260
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
