आतां भिवपाची गरज आसा: दाबोळेचे टॅक्सीकार
भांगरभूंय | प्रतिनिधी
वास्को: दाबोळी विमानतळा वयल्या विमानांचो आंकडो अर्ध्याचेर आयिल्ल्यान, गोवा मायल्स, गिरायकांक बळयां व्हरपी दलाल, रेन्ट अ कार आनी हेर कारणांक लागून आतां आमकां ‘भिवपाची गरज आसा’. आतां आमचें अस्तीव सोंपपाचीं चिन्हां दिसूंक लागल्यांत. आमचे मुखार पोट भरपाचो प्रस्न उबो राविल्ल्याचें दाबोळी विमानतळा वयल्या युनायटेड टॅक्सीमेन असोसिएशनाच्या पदाधिकार्यांनी सोमारा सांगलें.
आमी आमचेर जावपी अन्यायां आड जायत्यो कागाळी केल्यो, निवेदनां दिवन लेगीत आजून दलाल, रेन्ट अ कारवाल्यां आड कारवाय जावंक ना. आमचे सहनशक्तीचो अंत पळोवचो न्हय. आमकां कायदो हातांत घेवपाक लावचो न्हय अशें तांणी स्पश्ट केलें. आमचे जावपी अन्याय पयस करपाची मागणी तांणी ह्या वेळार केली.
हळदुव्या- काळ्या टॅक्सी धनयांची युनायटेड टॅक्सीमेन असोसिएशन आसा. तिचें दाबोळी विमानतळाचेर प्री पेड एअरपोर्ट कावंटरूय आसात. पूण आतां कावंटराचेर गर्दी उणी जाल्या. हे संबंदी कारणां खुबशीं आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
