भांगरभूंय | प्रतिनिधी
भांगरभूंय । खबरां संस्था
नवी दिल्ली: सोरो भलायकेक माल. सोर्याक लागून कुडीची रोगप्रतिकार शक्त दुबळी जाता. तशेंच यकृत (लीव्हर) आनी काळजाचीं दुयेंसांय जातात. आतां सोर्याक लागून एक नवी समस्या निर्माण जाल्या. सोर्यान सरळ आमच्या मेंदवार हल्लो करपाक सुरवात केल्या. सोरो चड पियेल्ल्यान आमच्या मेंदवाच्या रसायनांचेर परिणाम जाता.
जायते फावटीं लोकांक नशेंत आसतना आपणें कितें केलें हाची खबर लेगीत नासता. वैजकी शस्त्रान हाका अल्कोहोल ब्लॅकआवट अशें नांव दिलां. असले प्रकार दिसान दीस वाडतूच आसात. हाचेर संशोधन केलें तेन्ना ही समस्या चडशी तरणाट्यां मदीं जाणवता.
अल्कोहोल ब्लॅकआवट म्हळ्यार कितें?
जेन्ना खंयचोय मनीस हिसपा भायर सोरो पियेता आनी नशेंत आससर ताका कितेंच उगडास नासता तेन्ना तो ब्लॅकआवट जाल्ल्याचें म्हणू येता. खरें म्हय्यार चड सोरो पियेल्यार आमच्या मेंदवाचो एक म्हत्वाचो भाग हिप्पोकॅम्पस काम करपाचें बंद करता. हो भाग आमच्यो यादी सांठोवन दवरता.
अल्कोहोल ब्लॅकआवटचेर संशोधन करपी अमेरिकेच्या नॅशनल इन्स्टिट्यूट ऑफ अल्कोहोल अब्यूजचे अॅरॉन व्हायट हांच्या म्हणण्या प्रमाण, जर नशा केले उपरांत तुमी जें कितें केलां वा उलयतां हाचो उगडास नासता जाल्यार तें ब्लॅकआवटचें लक्षण जावन आसा. आपले तांकी परस चड जेन्ना सोरो पियेवप जाता तेन्ना अल्कोहोल ब्लॅकआवटचो प्रभाव सगळ्यांत चड दिसून येता. अशे परिसिथतींत तांकां कांयच याद जायना. अॅरॉन व्हायट हांणी आपल्या संशोधनांत एक हजार विद्यार्थ्यांचो आसपाव केला. 66 टक्क्या परस चड लोक सोरो पियेवन अर्धवट ब्लॅकआवटचे बळी थारल्या.
सोरो पिल्या उपरांत कितें जाता
हेडलबर्ग युनिव्हर्सिटींत ओर्याचोा मेंदूचेर जावपी परिणामाचेरूय एक संशोधन केलें. संशोधक हेल्मुट हांणी सांगलें, अल्कोहोलांत इथेनॉल आसल्यार तें शरिरांत पावतांच रक्तांत पुरायेन विरगळून वता. मनशाच्या शरीरांत उदकाचें प्रमाण 70 ते 80 टक्के आसता. ताका लागूनच सोर्याची नशा मेंदवा मेरेन पावता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
