भांगरभूंय | प्रतिनिधी
पणजी : उद्येगीक वसणुकांनी बर्याच उद्येजकांनी भुखंडा भायर अतिक्रमण केल्ल्याचो आरोप विरोधकांनी केलो. अतिक्रमण करपी उद्येजकांचेर कारवाय करपाची मागणी विरोधी पक्ष फुडारी युरी आलेमाव हांणी केली. हाचेर सभाघरांत बरोच वेळ चर्चा जाली.
गुंतवणूक उर्बा मंडळान 2019 ते 2023 ह्या चार वर्सांत 12 लाख 75 हजार चौखण मिटर जागो उद्येगांक दिला. कुंकळ्ळी उद्येगीक वसणुके सयत हेर वसणुकांनी उद्देजकांनी जमनीचेर अतिक्रमण केलां, अशें आलेमाव हांणी सांगलें.
अतिक्रमणांचें सर्वेक्षण चालू आसा. तें पुराय जाले उपरांत कायद्या प्रमाण कारवाय जातली, अशें आस्वासन उद्देगमंत्री मॉवीन गुदिन्य हांणी दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
