चायल्ड पोर्नोग्राफी : चवगांक अटक, एकल्याक नोटीस
भांगरभूंय | प्रतिनिधी
पणजी: बाल लिंगींक छळा (चायल्ड पॉर्नोग्राफी) विशींचे व्हिडियो, तशेंच हेर साहित्य सोशियल मिडिया वरवीं पोस्ट करपी पांच तरणाट्यांची वळख पटल्या. हांतल्या चार तरणाट्यांक अटक केल्या आनी एकल्याक नोटीस धाडल्या.
मेळिल्ले म्हायती प्रमाण, ह्या गुन्यांवा खाला सलमान खान (20, चिंबल, मूळ मध्यप्रदेश), महेंदर सिंग (27, बेती, मूळ उत्तर प्रदेश), लेमन इस्लाम (24, कळंगुट, मूळ अस्तंत बंगाल) आनी नितीन रेडकार (23, कळंगूट, मूळ सिंधुदुर्ग) हांकां अटक केल्या. जाल्यार प्रणीत लोलयेंकार (24, दवर्ली) हाका नोटीस धाडल्या. ‘ऑपरेशन सुरक्षा’ खाला सायबर क्रायम, गुन्यांव फांटो आनी जिल्हो पुलिसांनी ही जोड कारवाय केली.
बाल लिंगींक छळ (चायल्ड पोर्नोग्राफी) प्रकारांत भुरग्यांचें शोशण आनी लैंगीक अत्याचार जाता. चायल्ड पोर्नोग्राफी पळोवप, वाटप वा सोशल मिडिया वरवीं पोस्ट करप कायद्याचे नदरेन गुन्यांव. हाचे पसून पयस रावपाचो उलो पुलिसांनी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
