राना उज्याचेर विरोधकांनी रानां मंत्र्यांक उजरायलो
भांगरभूंय | प्रतिनिधी
पणजी : अंदुंच्या गिमात रानांक लागिल्ल्या उज्याच्या प्रस्नाचेर विरोधकांनी रानां मंत्री विश्वजीत राणे हांकां उजरावन काडले. रानाक लागिल्ल्या उज्याच्या घडणुकांनी बिल्डर लॉबीचो हात आसा, असो आरोप आमदार कार्लोस फेरेरा हांणी केलो. उजो लागिल्ल्या रान वाठाराचें रूपांतरण करपाचो हो यत्न आशिल्ल्याचो आरोप आमदार विजय सरदेसाय हांणी केलो.
राज्याच्या 480 हेक्टर रानां वाठारांक उजो लागलो. हांतलो 365 हेक्टर वाठार हो दोंगराळ आसा. ताचें रूपांतरण अशक्य आसा. उजो लागपाच्या घडणुकांत बिल्डर लॉबीचो हात ना. तो आसा जाल्यार ते विशींचे पुरावे सादर करचे. अशें रानां मंत्री राणे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
