कदंब घेता 50 डिजेल बशी : निविदा जारी
भांगरभूंय | प्रतिनिधी
पणजी : कदंब म्हामंडळा कडेन बशींचो उणाव आसा. आनीक 127 इलेक्ट्रीक बशी येवपाच्यो आसात. तशेंच म्हामंडळान डिझेलावेल्या 50 बशींचे खरेदीची निविदा जारी केल्या. प्रवाशांचें सर्वेक्षण केले उपरांत ज्या मार्गाचेर गरज आसा, थंय कदंब बशी सुरू करतले, अशें येरादारी मंत्री मॉवीन गुदिन्हो हांणी विधानसभेंत सांगलें.
बाणावली मतदारसंघांत मोबोर ते मडगांव मार्गाचेर बशी नात. विद्यार्थ्यांची गैरसोय जाता. कदंब बस घालपाची मागणी आमदार वेंझी व्हिएगस हांणी लक्षवेधी सुचोवणेच्या आधारान केली. हाका जाप दितना श्री. गुदिन्हो हांणी ही म्हायती दिली.
म्हामंडळान 71 इलेक्ट्रीक बशी घेतल्या. तशेंच खासगी बशी भाड्यान चलोवपा खातीर ‘म्हजी बस येवजण’ सुरू केल्या. आनीक बशी येवपाच्यो आसा. त्यो आयले उपरांत मडगांव ते मोबोर आनी हेर मार्गाचेर बस घालतले, अशें आस्वासन गुदिन्हो हांणी दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
